Aboot The Merry-Matanzie
Aboot The Merry-Matanzie :
Here we gae roon the jing-a-ring,
The jing-a-ring, the jing-a-ring;
Here we gae roon the jing-a-ring,
Aboot the merry-matanzie*.
Twice aboot, an than we fa,
Than we fa, than we fa,
Twice aboot, an than we fa,
Aboot the merry-matanzie.
Guess ye wha the guidman is,
The guidman is, the guidman is;
Guess ye wha the guidman is,
Aboot the merry-matanzie.
Honey is sweet, an so is he,
So is he, so is he;
Honey is sweet, an so is he,
Aboot the merry-matanzie.
He's merried wi a gay gowd ring,
A gay gowd ring, a gay gowd ring;
He's merried wi a gay gowd ring,
Aboot the merry-matanzie.
A gay gowd ring's a cankerous thing,
A cankerous thing, a cankerous thing;
A gay gowd ring's a cankerous thing,
Aboot the merry-matanzie.
Noo they're merried, we'll wish them joy,
Wish them joy, wish them joy,
Noo they're merried, we'll wish them joy,
Aboot the merry-matanzie.
Faither an mither they maun obey,
Maun obey, maun obey,
Faither an mither they maun obey,
Aboot the merry-matanzie.
Lovin ilk ither like sister an brither,
Sister an brither, sister an brither;
Lovin ilk ither like sister an brither,
Aboot the merry-matanzie.
We pray the couple tae kiss thegither,
Kiss thegither, kiss thegither;
We pray the couple tae kiss thegither,
Aboot the merry-matanzie.
Aboot The Merry-Matanzie
To HOME PAGE
